CHRIST MMAE3 A ETO SO MMIENU

Christ buu bobeturo bi ho b3 s3: Nhwesofo a woanhwe so yie no nti, wobegye afiri "won" nsem de akoma akuafo foforo a wode mu aduaba beba. Na bobeturo a obuu ho b3 no ne: Ntease3, nkabom koroye ne odo. Na eno na wabegu no Ghana ha, Na afei na Odomankoma ne Ghanaman reb3te aba no akye ama wiase nyinaa. Na aba no ne Nokore. Christ  buu b3 foforo s3, sede3 Noah nna no y33 no, saa ara na  ne ba bey3. Ne b3 a edi so no mu no, Christ kaa s3 neba bey3 s3 anyinam a epae firi apuee3 na ahyeren ko atoe3. Afei obuu b3 bi nso s3, s3 oman no te s3 owo ser33 so anaas3 mpia mu a wonn nye nni.
             Christ buu saa mmb3 yi de tiaa Israelman no ara, na wammu amma oman foforo biara. Christ  de saa mmb3 yi buu Israelman no, de kyere s3 orensi oman no mu bieu, ne mmae3 a eto so mmeinu no mu. Esiane s3 Christ rensi ho bieu nti, osee n'asuafo no kokoam s3, tenabea pii wo n'agya fie, na oreko akosiesie baabi foforo, na akyire yi wabefa "won" ako ho.
             Israel wo asaase yi ara so. Awurade p33 s3 anka osiesie ho ma n'ahennie no. Enam adiyifokum so nti na Christ kaa s3 orekosiesie baabi foforo ama n'ahennie no, na wabefa asuafo ne adiyifo ne Awurade adwumayefo pa no nyinaa ako ho, ne mmae3 a eto so mmeinu no mu. Obiara anko Christ ho ankose no s3 de3 wote3 ho wonp3.Eno nti eny3 Isrealman  na christ hyee "won" saa bo no.Nokorem no,asuafo no nko ara na christ hyee "won" saa bo no.Awurade ahennie no asem no ara na na christ reka,na enye s3 yerekotina osoro ho bi.Eno nti na christ kaa no Awurade mpaebo nu s3 monka s3.Yen agya a wowo soro W'ahennie mmra Asaase so.
            Awurade de yen nana Abraham asi ho s3 honnam nyinaa ti,na ode Moses nso asi ho s3 mmara nyinaa nti. Awurade Nhyira da so wo ho ma Isreal nneemma  no, esiane yen nana Abraham ne Moses ne tete Awurade adwumayefo pa no,ne won a wofere Awurade nyinaa,nnuma pa a woyooe3 nti.Anokwasem nie: Awurade ahennie no ankasa ne eho nhyehye nyinaa de3 ,wayi afiri Isreal mu de aba Ghana ha.

 

                                         

 

 

 

ODOMANKOMA AFOTUO NE NKYER3KYER3 A ODE REB3MA                                                     GHANAMAN

 

 

Me Yehowa Nyankopon a meyii Moses ma okodii Israelman anim no, me ara na mewo ha a mene Ghanaman rekasa no; na 3y3 m'anigye s3 mene m'aban Fa-wo-ho-die aban rekasa.
     Na me honhom mu na me diyifo yi nam ne mo rekasa no. Na ne saa nti, s3 obi fr3 no bisa no s3 Ad3n nti na ose Awurade aban ne Fa-wo-ho-die  Aban a, me Asafo Yehowa ankasa, meyi no ano. Na orema Fa-wo-ho-die aban ate s3,  Israel na na 3y3 ne man, na 3ho na anka one oman no b3hy3hy3 biribiara a 3s3 s3 ode ma wiase. Na oyii Christ a oy3 n'asinamu maa Israelman. Na odomankoma yi n'asinamu a, abofoo bebree ka ne ho de3 nanso onkwati oman no mpanimfo nyo biribi, gyes3 3ne oman no mpanimfo ka bom ansa na watumi adi dwuma a Awurade de asoma no no. Na abofoo no adwuma ne s3: De3 honam ntumi nyo no na won nso ayo.

    Na s3 y3ka s3: 3po yi mu y3 hu a, na nnipa ara na 3ma 3po no mu y3 hu. s3 y3ka s3: ohene yi y3 hene a, na 3nam nnipa so na 3ma ohene no y3 hene. Christ, oy3 Awurade asinanmu a oyi no maa Israelman; nanso na  oman no mpaninfo no ntie no nti na 3maa no kaa s3: monye me nni na monnye de3 osomaa me no nso nni. Na okko so kaae ara. Na okoo so kaa nsem beree oman no mu, nanso 3nam s3 mpanimfoo no annye no annie nti, ne nsem a okaee3 no, woamfa mu aba biara kopem s3 ode yoo n'adwuma ponnee3. Akyire yi ansa na mpanimfoo no hunnu s3 oy3 Awurade asinanmu ampa. 
     Wi3, odomankoma wo dwumadie a ode reb3boa Fa-wo-ho-die Aban no. Ose 3y3 afotuo ne nkyer3kyer3mu a 3ne Fa-wo-ho-die Aban no reb3ka abom de ama oman yi, ansa na okwan a 3ne n'aban ne oman yi mpaninfo b3fa so akyekyere oman yi no so adi soo. Na aban a 3di kan no, 3nam s3 de3 3s3 s3 oman yi no so adi nya firi mu no, y3annya nti, ama oman yi ay3 s3 ofie a manso ab3to mu. 3no nti s3 obi yo biribiara wo ofie ho a, 3nso obiara ani. saa ade3 a 3wo ho yi nti, na Awurade ahyehy3 afotuo ne nkyerekyer3mu, a oman ne diyifo kusi ne Nokore Kuo ne Fa-wo-ho-die Aban so ,de reb3ma oman yi ansa na omankyekyer3 dwumadie no ankasa atoa so. Odomankoma se onam tete adiyifo no so yoyoo nsenkyer3nne3 bebree nanso seisei de3, nimde3 so na onam reyo s3nkyer3nne no nyinaa.  Na dade3 tumi nante soro 3nna y3tumi kum onipa nyane no, nanso yeinom nyinaa akyiri no, ewiase no ara asomdwoe3 de3, yen nsa nnya nkaae. Na 3no na aka, a seisei, Odomankoma reyo ho adwuma no.
      Na dawubo dwumadie a odomankoma nam ne diyifo yi so de nkrataatwer3 bo kyer33 oman yi no, 3y3 saa afotuo ne nkyer3kyer3mu a 3ne Fa-wo-ho-die Aban no reb3ka abom de ama yi nti na ohyehy33e3. Na afotuo ne nkyer3kyer3mu yi akyi na oman no b3y3 komm, ansa na omankyekyere3 dwumadie a 3ne n'aban ne oman yi mpanimfo reb3ka abom adie no atoa soo. Odomankoma dawubo krataa a 3twa too nie.

 

 

             

                ADWUMAYOFO AKUO MMIENSA

 

 

Yehowa Nyankopong  na  onam n'asinanmu so retwere Ghana Nhemfo Nkabom kuo no saa yi,na 3y3 n'anigye s3 oreda n'ahuntasem yi  adi akyer3 ne Nhemfokuo ne Ghanaman nyinaa.Na Odomankoma boo nnipa de yeen n'akonnwa no ho adehy3 na oboo wiase de y33 n'ahennie man.Na nnwuma pii wo mu a 3s3 s3 osiesie ma wiase no wie adehyeman y3,.Na ne saa nti waky3 ewiase mu yi mu mmiensa na owo adwumayofo akuo mmi3nsa a wodeda ano.Baako ne Honhom Kronkron.Adiyifo ne nkomhy3fo ne Christ akyidifo ne Mohammed akyidifo nyinaa nso ka bom y3 ekuo baako. na nso da nky3mu baako ano .Afei Odmankoma ne ne nhemfokuo nso da 3koro ano

     Na Honhom Kronkron kuo no mu na ohyehy33 nimde3 firiie3,Na adiyifo ne nkomhy3fo kuo no mu na ohyehy33 nokor3 Ho Banbo kuo firiiie3.Na nokor3 Ho Banbo kuo yi ara na adasamma nso fr3 no Aban no.Na n'ahnnie tumi mu na ohyehy3 wiase nyinaa,na onam ahennie so na oreb3hyehy3 wiase asomdwoe3. Na yei nti na wada no  adi akyer3 Ghanaman s3,on3 Aban ne Nananom nhemfo ne omanfo nyinaaa reb3tena ase ahyehy3 asomdwoe3 a ode reb3ma wiase,Na eno nti na wama n'asinanmu yi atintim nwoma a, ode rema Nhemfokuo awo Ghana.Na ode saa krataa yi nso reka ho ama obiara akyer3kyer3 nwoma no mu akyer3 ne dom a oda won ano,s3d33 3b3y3 a odomankoma dwumadie a watintim no seisei Ghana ha no,3b3tim okra biara mu: ama Odomanko agyina so ahyehy3 asomdwoe3 asetena de ama Ghana ne wiase  nyinaa.

  Afei Odomankoma se memma Ghana koowaabofo no nso nsa nka nwoma no bi .Na ose owo awer3hy3mu s3 mo Nananom nhemfo yi di b3di dwuma a ode ahy3mo nsa no s3de3 3s3.

 

                         

                             NIMDEE HO ASEM

 

Odomankoma se, orema yeate s3, oboo nnipa b3too n'adebo; na nhyehy3e biara a 3ne onipa b3tena na 3b3y3 yie no, oni ara na ohyehy33. Na bieu ono ara na waka s3 : Monso  ahonhom nyinaa nhw3 na nob3hunu emu de3 efiri me, Asafo Awurade. Ne saa nti, wo nam nokore kuo so ne Ghnanaman rekasa, s3de3 y3b3te nasem ase nti, ewiase adesua ahodoo ne asetena ahodoo nyinaa no, oda ho fam tim, a onni gyinaber3 biara wo saa nhyehy3e no mu. odomankoma se s3de3 3b3y3 a ne man no begye no adie nti na ode no atofam tim saa no. Na ade3 a ada fam na y3ma so de kyer3, na 3ny3 de3 egyina ho.
      Enti enn3, odomankoma wo nkyerekyer3mu bi a, onam nokore kuo yi so de rema mo. 

 

Me, Asafo yehowa na masan maka s3 : Me nnwumma nti s3 honam nnwuma, na m'akwan so nti s3 honam akwan, na s3 de3 ewiase nhunu osoro ne asaase ntam akwansini anaa 3po agya no, saa ara nso na honam biara ntumi nte me nwuma ne me nhyehy3e ase. Na gyese okrabiara a ne honhom wo ne mu, na ob3tumi ate ne nnwuma ase, na ob3hunu m'akwan.    Na merema Ghanaman ne Abibiman ne wiase nyinaa ate s3: Mewo akyede3 bi a mede b3ma wiase nyinaa, a obiara de reseisei ne man, nanso eny3 3no nko na 3b3tumi akuta ewiase. Mesan mewo nnoma bi a 3ka ho, na emu baako ne Nimde3. Nimde3 no, 3ma wiase honam fa mu siesie. Baako a aka ho no de3,  esiesie ono Awurade ne y3n adasamma ntam asetena; na gyes3 ne mmienu ka bom ansa na asomdwoe3 aba wiase. De3 asiesie wiase ne Awurade ntam asetena no, 3no y3 abibiman de3 a y3reb3yo ho adwuma. Na 3no na seisei, orefr3 Ghanaman mpaninfo ne won ayo 3ho adwuma no. Na ose orema Abibiman ate se, y3mmfa y3n ho nnto odomankoma agyapade3 a ode ama y3n no so, s3 3no nko ara na y3b3tumi de abo y3n bra, na saa agyapade3 koro no ara  wama aborokyeman nso bi.
    

Nimde3 se3, odomankoma de ne dua asi aburokyiman mu, na 3y3 aburofo no dea. Abibiman de3, mmoden biara a 3fata s3 y3bo no, y3abo;  s3de3 3b3y3 a anka y3n nsa b3ka saa Nimde3 no bie no bie, nanso 3nam s3 odomankoma amfa amma y3n nti, 3b3si nn3, y3n nsa nkae 3firi s3, 3ny3 y3n Abibiman kyefa ne no.

          Amanyoe3 wo nkorabata mmi3nsa, na yeinom ne: Amammuo ne oman kyekyer3 ne omanseisei. Ne mmi3nsa no mu biara wo adwuma a 3yo. Saa ara nso na odomankoma ama wiase: Agyapade3 ne Akansie ne Nimde3. Odomankoma agyapade3 de3, oman biara wo bi 3nna akansie nso oamn biara wo bie nan so Nimde3 de3, Abibiman yo 3ho Adwuma san to 3ho nnoma. saa Nimde3 no, 3y3 honhom mu ade3 na y3nsua, na ne nua nom ne : Nsuo ne ogya. Ne mmi3nsa gyina faako. s3 mene oman yi mpaninfo hyia a , na m3kyer3kyer3 yei mu.
    Merema Abibiman ate s3: Me, Asafo Yehowa na me ne won rekasa no, na biribiara nni ho a 3b3si asaase yi so, a mennim. Afei ade3 a y3fr3 no adanse3, me, Asafo Yehowa na mehyehye3e3, sede3 3b3y3 a 3b3yi as3m biara mu nokore apue. 3no nti mama mo ate ase3 s3: saa ns3nkyer3nne3 a menam me diyifo, Elijah ne Osei tutu so b3yoo no oman yi mfinifini a 3y3 asanteman mu no, 3no ara ne adanse3 a 3kyer3 s3 mene oman yi wo dwuma bi die.
      

Na 3fa y3n nuanom Abibifo a wotoo won koo aburokyiman mu no ho, wone Aburofo yi abom atena ho ab3si nn3. Na wone won asetenam no, 3nam s3 Nimde3 nni ho mma abibiman nti, wonnya yaa bi. S3 3wo ho 3ma Bibiman a, anka woanya Nimde3 no bi, ama anka wonam eno so atu afiri ho, asan aba Abibiman mu ha ab3kyer3 Abibiman ama y3 nnya. Na nokore paa ne s3, odomankoma se Ghanama mma won adwene mmra as3m a oni won reka no Ghana ha so, Ose, s3 Ghanaman tie no a, Ode y3n Abibiman kyefa nso b3ma y3n, ama ene Nimde3 no abom ayo adwuma de asom aba wiase. Ose s3 y3se yeretie no, na Nimde3 no nko ara na y3n3 aburofo no reb3di akyire de3 a, 3nne y3n asetena b3y3 den. odomankoma se : Abibiman mansesae3 ber3 adu.

 

      
              GHANA NTOMA NE N'AGUDE3
 

Me Yehowa Nyankopon, na me nam me diyifo Kusi so, ne Nokore kuo mma no rekasa yi. Na merema mo ate s3: Mehy33 Fahodie Aban no mmae3 ho nkom mekyer33 oman yi; na 3no nti, me Yehowa Nyankopon, menni biribiara metia Fahodie Aban no, efiri s3 3y3 me ara m'aban. 

Seisei, de3 aka me s3, me ne Fahodie Aban no b3tena ase3, na y3ahwehw3 ntoma a 3fata s3 y3de fira Ghanaman 3ne agude3 nso a 3fata s3 y3de hyehy3 oman yi. Nanso ansa na y3b3firi saa dwumadie yi ase no, me Yehowa Nyankopon, mede kas33t a maka m'ano as3m magu so merebr3 mo na moabo atie.

Me Yehowa Nyankopon na yi, na de3 merehwehw3 afiri Fahodie Aban no ho ara ne s3, 3b3gyina pintinn wo Asafo Awurade din mu.

 

 

                 

              OMAN BIARA SIKA HO ASEM

 

Awurade boo nnipa asetenamo nnoma nyinaa wiee no, oboo sika bataa" won "ho. Sika gyina ho ma oman biara mpuntuo. Woaka no Twere no mu s3: Boni nyinaa ne Sika, Yei nkyere s3 sika nye, na mmom  okwan a yefa so p3 sika, 3ne okwan a yefa so ne sika tena, na es3 s3 yenya ahweyie wo mu.
  Awurade si no pi s3: S3de3 onipa biara wo mogya no, saa ara nso na oman biara mogya ne sika. oman sika wo ho ma omanpanin no, na afiri ne nkyen ako omanfo nsam. omanpanin botoo ne banke.   es3 s3 ebere biara sika tena banke, n afiri ho anante oman no mu, sede3 mogya nante honam mu no.
S3 yetena ase a, na yebehunu okwan a yeb3fa so aye nhyehye, s3de3 ebeye a ebere biara sika  betena (banke), na afiri akyinkyini oman no mu a erenha obiara. Aye nokore s3, s3 oman biara mu sikasem y3 yie a, na 3tumi twe amannone sika nso ba.

 

                      NOKWARE KUO BOTAE3

 

Odomankoma se 3ber3 a na ono nko ara ho no, na n’ani gye na na biribiara nha no. Na odwenee s3 ob3bo ade3 de ahy3 ne ho animuonyam. 3no nti oboo amantam mmi3nsa na emu baako ne wiase.
                Na onwonoo nnipa de y33 n’akonnwa no ho adehye3. Enti onwonoo onipa too (kasa) so, na omaa no so gyinaa adehye3 kwan so, na ode ne nsa sisii mpokwaa ne sikafuturo mu, na ode ade3 a 3y3 d3 hy33 n’ano, na afei ode ade3 a 3y3 f3 soo n’ani so. Afei, de3 Odomankoma de hy33 oni nnipa asetena ntam, ma y3wie akonnwa no ho adehye3 y3 ne s3: Yenye no nni, na y3nno no, na y3n ani nna no so 3firi s3, biribiara a aka biara, ono na ob3y0 ama y3n
                Na yei na (Bible) ne koran abo ho dawuro, na afei na y3reb3tena ase Ghana ha na y3ayo ho adwuma. Na saa gyidie ne odo ne anidaso yi na 3s3 s3 3tena okra biara mu. Na yei ne Nokware kuo botae3, s3 y3reb3boa Ghanaman mpaninfoo ne omanfoo nyinaa, na y3ayo ho adwuma ama gyidie ne odo ne anidasoo yi atena okra biara mu. Na yei ne Nokware kuo botae3, a y3de reto Ghana ne wiase nyinaa anim.

 

 

 

               ELIJAH DWUMADIE WO GHANA HA  NO NTOASO

 

Odomankoma se memma Nana Otumfuo Opoku Ware II ne Ghanaman nyinaa nte s3,de3 Oreka ara oreka s3:
Oberima a ewise anhu no na y3fr33 no Komfo no,ne diyifo a y3fr3 no Elijah no,on3 no! Na y3p3 a y3b3 hunu nti na yisiesie adosowa: na 3nto nti na Elijah b3yoo ns3nkyer3nne3 Ghana ha ,a etire wo Ashantiman mu ha.Na Elijah ns3nkyer3nne no mu bi ne:Asikwadwa 3nna Afena a 3si Komfo Anokye Ayaresabea ho no.Yei na 3kyer3 s3 Onyanopon de ne nsa ato Ghanaman so3 3firi s3,saa ns3nkyer3nne3 no na Odomankoma de siesie ne man.
Elijah yi  aba wiase mu  mmiensa,ni3 edikan no ye titi mmere mu no,Okasa ma ogya firi soro . Na di3 etoso mmeinu no ni John Osoboni,ni pr3nsa so nu Ob3puee wo ghanaman mu,a y3 fir3 nu Komfo Anokye.

   Afei na Odomankoma ber3 aduro,s3 on3 Ghana aban ne Ghanaman mpaninfo nyinaa toa ne dwumadie no soo.Na seisei de3,dwumadie atitire mmienu na Asafo Awurade de rema Nananom nhemfo na woadi ama no.Dwumadie a 3di kan ne s3,Odomankoma se: Efiri Afena no soo no kuro biara a saa ns3nkyer3nne3 no bi wo no,Ghana Nhemfo Nkabom Kuo no nhw3 mma kuromma no nsiesie no kama.

Afei Odomankoma se ono oy3 ohene,na ne saa nti,nhemfo a odii kan de won hy33 n’amankyekyer3 ase kyeky33 assae3 yi mu de maa won.Wi3,Odmankoma se op3 s3 nhemfo no te ase3 s3,seisei de3 3ns3 s3 ohene biara ne ne yonko hene bi twe manso wo asaase ho 3firi s3,ne ber3 aduru s3 on3 oman yi mpaninfo,nyinaa ka bom kyekyere oman yi.

Enti dwumadie a 3toso mmienu a Odomankoma redane ama nhemfo kuo na wodi ama no ne s3,Os3 Ghana nhemfo ka bom kuo ara nhw3 na wonsiesie won ntam manso a 3fa assase ho nyinaa .Na odo ne koroy3 ne nkabom na ono Odomankoma ne mo Nananom nhemfo de reb3kye kyere oman yi. Yehowa Nyankopon kyer3 s3,manso biara a aka no de3,ono ara na onim okwan a ob3fa so de ayi ne nyinaa afiri ho.

     

                               

 

                                   NSUOM DWUMADIE

 

3y3 m’anigye  s3 menam Awurade nhyehye3 mu retwer3 ne somfo pa Ibrahima Busanga saa krataa yi. Na mey3 Awurade somafoo a wasiane me Ghana ha; na me dwumadie a 3di kan a  3s3 s3 meyo ne s3, mebo Awurade dwumadie a one Ghanaman reb3die no ho dawuro mekyer3 oman yi. Na megu so reyo ho adwuma.
                Na mep3 s3 meyo asem no ho nwoma na mede ma oman yi nhemfo. Na okwan a 3s3 s3 mefa soo ne s3: Ade3 bi wo ho a Yehowa Nyankopon abo ama obiara, a ens3 s3 obi de ne nsa to so fa. Saa ade3 yi bi ne: Awia ne mframa 3nna nsuo ne de3 3wo mu nyinaa. Saa nsuo no so na menam mereyo nwuma no; na saa nhyehye3 yi so na menam de b3hunuu woo.
                Na s3de3 wosi buee w’akoma mu, na wode gyee me ne me s3k3tri ani no som bo ma y3n yie; na afei na y3n dwumadie a y3b3diie3 no, y3de ko awiee3. Eno nti 3s3 s3 y3yi y3n nnwuma adi kyer3 woo. Na y3n dwumadie no bi wo kas33t a y3de rebr3 woo yi so; na y3p3 s3 wobo na wotie na won so wohunu y3n adwuma. Afei nnooma a y3de b3yoo adwuma wo nsuo no mu no, y3dane de ma wo; na ade3 a y3nya firii nsuom dwumadie no mu no, y3de reb3toa y3n dwumadie no so. Na y3wo awer3hy3mu s3 ayonkofa a ab3da y3ne won tam no b3tena ho daa nyinaa.

 

 

 

                                       NHEMFO BUBUO

 

Odomankoma se 3y3 n’anigye s3 onam n’asinanmu so redane n’asem ama Asanteman Nhemfokuo no. Na afe 1984 mu, na ode n’asem soma n’asinanmu br33 mo. Na omaa mekyer3kyer33 nsem a asi Ghana ha a etire wo Asanteman mu, a 3fa Osei Tutu ne komfo Anokye dwumadie no ho; s3 ono Yehowa Nyankopon ara na osomaa won. Na dwumadie a one Ghanaman reb3di no nn3 yi, no ho afapem na wob3tooe3.
                Na afei na 3ber3 aduru s3 Yehowa Nyankopon ne ne nhemfo ne Aban ne Ghanaman nyinaa di saa dwuma no. Na ode too Asanteman nhemfokuo no anim s3: De3 ehia ne s3 Ghanaman nhemfo ne Aban no b3ka abom 3firii s3, saa nkabom yin a Nyankopon ne oman yi dwumadie no ako soo. Na mo nso mogye too mu s3 mop3 no saa s3 nkabom no b3ba.
                Na mefirii ho no, me dwumadie a na 3s3 s3 medie ne s3, mebo asem no ho dawuro, na mekyer3kyer3 mu, na afei metu ho fo kopem ber3 a mene Ghanaman behyia. Na saa dwumadie yi no, wama mayo ho nwoma s3 menky3 memma Ghana Nhemfo Nkabom kuo no ne “Kumasi Traditional Council”. Na ‘’Kumasi Traditional Council’’ nsa kaa wom ky3fa 3dwoada Osanaa 19 afe 1991 mu. Na mede metoo won anim s3, ahooden a mede mereyo adwuma no sua, na wommoa me s3de3 3b3y3 a m3tumi mayo Asante man Nhemfokuo de3 no. Na na 3ny3 s3 mentumi nyo nti na mede saa adesr3de3 no too wom anim, na mmom na ky3 a 3b3ky3 ntira.
                Na afei na mawie mo ky3fa no. Na momma mo nnha  mo, na dwumadie a Odomankoma ahyehy3 ama me s3 mennyina n’ananmu ne Ghanaman nnie no, baako koraa mpo renyera mu. Na menim s3 de3 Odomankoma aka no, Ghanaman nso reyo ho adwuma; na de3 3b3y3 biara no, Odomankoma ne Ghanaman dwumadie no wob3di.
                Wi3 onipa bi baa me nky3n b3see me s3, m’asem a mereka no ato n’asom nanso owo ho asemmisa baako, na 3nie; Wonkaa no Twer3 no mu s3: S3 Awurade b3hyehy3 biribi foforo biara wo wiase a, gye s3 odi kan bubu nhemfo ansa? Na meyii onipa no ano s3: Obi de edin bi a 3mfata too Christ so wo ne dwumadie no mu; na Christ nam akwan beberee so kyer3kyer33 mu kyer3 onipa no. Na saa asem no ara bi na worebisa me yi.
                Na eny3 s3 Yehowa Nyankopon reb3hyehy3 biribi foforo, a ob3yi ahennie afiri wiase, wo ber3 a ono y3 hene,na nhemfo no nyinaa tiri ne no. Na nhemfo bubuo no ara na y3refiri ase3 seisei wo ha no. Awurade nam ne tumi so na ohyehy33 ahennie no s3 3nyo adwuma,kopem s3 ono ara ahennie b3pue. Na saa nti na wasisi aban wo oman biara mu. Na 3ho na one nhemfo ne oman no nyinaa b3hyia; na ne nhyehye33 a efiri ono Yehowa Nyankopon ahennie ne ne tumi mu no, ode ama oman no. Na 3kyer3 s3, tumi dada ne nhyehye3 dadaa no nyinaa afiri ho ama ode foforo ahy3 ananmu.
                Na 3no nkyer3 s3 wayi nhemfo no afiri ho, na mmom nhyehye3 dada no wasesa no. Na yei ne nhemfo bubuo no.

 

 

 

                   NHENFO NNAN BI DWUMADIE
 

Odomankoma se, 3y3 n’anigye s3 onam n’asinanmu so retwer3 Ghana Nhenfo Nkabom kuo no saa krataa yi. Na wadi kan ama Nhenfokuo yi ate ase3 s3, oni Ghana Aan ne Nananom nhenfo ne Ghanaman nyinaawo omankyekyer3 no ho dwumadie. Na seisei, Odomankoma ahyehy3 nnwuma bi ama saa nhenfo nnan a 3y3; Nana Boamanhene, Nana Abodomhene, Nana Asansohene 3nna Nana Pakyihene; a woreb3di de aboa dwumadie no. Odomankoma kyer3 s3 saa nnwuma no, oni on afiri ne die ase dada; na sei na oni won firii ase3.
Nana Booamanhene: Nana Bodomhene no, ne so na m’asianmu yi nam de sianee Ghana ha, na Booman ho ara nso na mede me dwumadie mehy3 ne nsa
Nana Abodomhene ne Nana Asansohene: Saa ara nso na Nana Abodomhene ne Nana Asansohene, me Asafo Yehowa, memaa m’asinanmu koo wo ho. Na mekyer33 mu kyer33 won s3: Me Domankoma, m’asinanmu ne no. Afei mesee won s3, me ne Ghanaman wo dwumadie a owo Amanse3 no nsa. Na wo nso de me koo Asante Bekawae, de me kohy33 Aban asinanmu, Owura Amoa nsa. Na Owura Amoa nso, dwumadiebiara a 3s3 s3 odi fa me ho no odii; na de3 ohunu faa me o biara no, otwer3 de komaa Aban.
Nana Pakyihene: Na Odomankoma ne Nana Pakyihene ne ne mpanimfo nso wo dwumadie. Na saa dwumadie yi nti, wayi okraa baako afiri won mu, a owo n’asinanmu no nky3n seisei.
                Wi3, Odomankoma kyer3 s3 oni nhemfo nnan yi dwumadie no nsaae. 3no nti wasoma n’asinanmu no nhemfo nnan yi ne won mpanimfoo nky3n; s3 wokokyer3 won, oni won mu biara ntam dwumadie no ntoasoo. NA Akwasid33 a 3reba yi, a 3y3 Ob3nem 1 afe 1992 yi ara mu, na n’asinanmu no b3firi ase3 adi saa soma yi ho dwuma wo Abodom.
                De3 3di akyire no, Odomankoma de saa b3 yi redue nhemfo nnan yi so ama ewiase nyinaa nso ate bi. Na ose oni ewiase ntam nhyehy3e te s3 asutene. Na nsuo no tumi we; na s3 3we a, asubontene anaa asubonka anaa asumena no de3 3nwe bi. De3 wob3hunu ara ne s3 nsuo asan ab3y3 ma. Na saa na Odomankoma ne ewiase ntam nhyehy3 te3.

 

 

 

AWADE3 NE ASORE NE OMAN YI SIKASEM HO NHYEHYE3                                          AKWANKYER3

 

 

Odomankoma se 3y3 n’anigye s3 oredane saa asem yi ama Nokware kuo no. Afe 1981, Obubuo mu, na Odomankoma maa mede metoo Omanpanin Limann ne ne P.N.P Aban ne Ghanaman mpanimfoo no nyinaa anim s3, Yehowa Nyankopon ne n’adwumayofoo wo oman yi mu a woreb3kyekyere oman yi. Na Op3nimmaa 31, 3da a 3twa too afe 1981 no mu no, Yehowa Nyankopon aban b3dii Ghanaman so; na saa aban yi ne P.N.D.C. a Omanpanin Rawlings da ano no.
                Afei Odomankoma maa metoo me nsa mefr33 B.N.I. adwumayofoo, na okaa s3 won so na onam ne P.N.D.C. Aban no b3kasa. Wi3, Ob3nem 15 afe 1984 mu no, awuranom BNI adwumayofoo baanan firii Kumase baa me nkyen wo Kokofu-Adamanu. Odomankoma nam me so boboo nsem beberee a 3fa Omankyekyer3 dwumadie yi ho, bi so mekyer33 won, na 3mu baako ne: Awade3 ho akwankyer3. Awuranom yi ho dwirii won k3se,wo nsem a mekaae3 no ho. 3no nti mewiee3 no, wop33 s3 anka wode me koma Omanpanin Rawlings nanso mesee won s3, Omanpanin ho koro ber3 no nsooe; 3firii s3, Odomankoma wo nnwumma beberee a one n’abofoo reyo no oman yi mu. Afei me, Kusi nso, mewo dawuro a mebo makyere Ghanaman, fa Odomankoma dwumadie a wahyehy3 no oman yi mu no ho.
                Wi3, afei na saa dwumadie no nyinaa aba awie3, na Odomankoma redane n’ani ako Aban mu akotoa ho dwumadie no so, na y3reb3sesa nnooma no nyinaa. Seisei Odomankoma ama Nokware kuo no amo wo nnwuma pa bebree a wayo no ho; na Odomankoma nso de nsem titire mmi3nsa yi ho akwankyer3  rema  P.N.D.C. Aban no . Saa nsemtitire  mmi3nsa yi ne:
 i. Awade3 ho nhyehye3.  ii. Odomankoma nkyer3kyer3 kuo anaas3 Asore 3nna, iii. Oman yi sikasem . Saa nnooma mmi3nsa yi y3 botae3 a ekuta wiase mu k3se na Odomankoma p3 s3 otintim no yie.
                1. Awade3 ho nhyehye3 akwankyer3:  Odomankoma se, s3 oman biara b3y3 yie a na efiri oman-mma no. Awurade hyehy33 awade3 te s3 kuayo, na s3 okuani nya asaase pa dua so aba a, na onya nnobae pa firi mu. Na Odomankoma resi no pi s3: obiara a ob3da n’awade3 adi akyer3 Aban no, nni ho kwan s3 osan ware obaa foforo ka ne yere no ho. Na 3ne s3, Odomankoma aka ato ho dad s3: Obarima ne ne yere b3ka abom ay3 honam baako. Na s3 woy3 honam baako, na won  adwene nso y3 koro a, na 3kyer3 s3 woakoy3 asaase pa, na aba biara a 3b3firi won mu no nso b3y3 aba pa; na wanyini ay3 omanba pa.
                3s3 s3 Aban te kuo bi a wob3siesie awade3 mu nsem. S3 saa nhyehye3 yi akyi,obarima bi kofa obaa foforo ka ne yere no ho a, y3nnsi no kwan beberee 3firi s3: i. Saa obaa foforo no nni ky3fa bi awade3 nhyehye3 no mu. ii. Obarima a wakofa obaa foforo ab3ka ne yere ho no nso, Aban mmma no nny3 adwumapanin, na onni ekuo biara nso anim efiri s3: Wamfa obuo amma Yehowa Nyankopon na wanni ne man nso ni. Saa adefudip3 yi na 3wo adwuma mpanimfoo no bi mu a, 3mma oman yi mu nnwoo 3firi s3, y3de adwumayo na 3kyekyere oman.
                Afei nso, dwumadie a Odomankoma ne Ghanaman reb3hyehy3 no mu no, 3s3 s3 adwumapanin biara ware yere baako; na 3no na 3kyer3 s3 ode obuo ama Yehowa Nyankopon na ode anidie nso ama ne man 3firi s3 adwumapanin no na oreb3y3 okwankyer3foo ama adwumayofoo no. Na s3 adwumapanin no y3 odefudip3ni a, orenya akwankyer3 pa biara mfa mma adwumayofoo no.
                2. Oman yi sikasem ho akwankyer3: Na y3asikasem no de3,3wo y3n man yi ara mu, na y3n ara na y3reb3p3. 3ha ne akwankyer3 no awie3.
                Odomankoma boo wiase no, opaepaee akwan bi too ho, a 3s3 s3 ewiasefoo fa so ma won as3m duru n’anim; naono nso asem fa so ba wiase. Saa akwan yi atuatua, na 3nam so ma ewiase-mma no mu beberee de su ne awar3hoo teateam wo Onyakopon anim. Na 3nam yei so nti na 3ma Awurade ka atemmuo ma wiase, na anka atemmuo ny3 adepa a y3ka ma okraa baako mpo.
                Afei oman yi mmma no nny3 won nwanwa s3, Awurade b3tumi asesa biribi afiri ha, ama ako wiase mmaa nyinaa. Na s3de3 Awurade sesaa biribi firii baabi, maa no baa Ghana ha no, saa ara nso na ob3tumi asesa biribi afiriGhana ha ama ako amanaman no mu. Na merema omanyi ate ase3 s3, s3de3 Awurade aka s3 ode Ghana ay3 ne man no, saa ara na oreka. Afei afotuo a Odomankoma de rema Ghanaman nie: Ose kane no, na b3d3 na ode ne wiasde yo adwuma, na 3nn3 de3, apampaa na ode reyo. Na seisei, nnwuma bi wo ho a y3nam nkrataaatwer3 so na y3yo. Nas3 krataa bi b3duruu w’anim, na s3 wotoa so a, 3twa s3 wobo mmoden toa so, ma no koduru baabi a 3s3 s3 3duro, na 3koyo adwuma a 3s3 s3 3yo. Na s3 woantoa so, na wogye to ho, na ankoduru baabi a 3s3 s3 3duru, na ankoyo adwuma a 3s3 s3 3yo, na mmusuo bi firi akyire ba a, 3nne3 na woadi fo Yehowa Nyankopon anim. Nas3 3ba saa a, wote na homan yi mu nko ara de3 a, anka 3y3.
                Afei s3 obi yo biribi na 3so oman yi ani a, y3mfa ho abodin mma no, ma 3ny3 akansie. Odomankoma se, dwumadie biara a one oman yi reb3hyehy3 no, mmara biara a 3wo ho no, y3b3hy3 ako y3anim na 3rensan y3akyi.

 

 

 

 

                                  NHY3NMU

                Odomankoma animuonyam hyer3n: M’agya a wowo soro, w’animuoyam hyer3n , w’animuoyam hyer3n asaase so. W’animuoyam hyer3n,  w’animuoyam hyer3n, w’animuoyam hyer3n  w’abode so. 3firi apuee3 kopem atoe3, w’animuoyam hyer3n asaase so. 3firi apuee3 kopem  atoe3, w’animuoyam hyer3n w’abode so.
                Ghana!, Adehyeman mma, mema mo akye. 3y3 m’anigye s3 mo ara monim s3 moy3 adehye3. Me, Odiyifo Kusi, a meda Nokware Kuo ano, na Awurade ama mahyehy3 saa nwoma yi, na Odomankoma nam me so reyi n’ahuntasem adi akyer3 Ghanaman ne wiase nyinaa. Nwoma yi ne: ABRAHAM SETIE HO MFASOO NWOMA, na emu nsem na 3didi so yi.
                Na 3y3 a na adasamma dwene s3 Awurade nkasa, nanso onam nnipa so na okasa, na 3wo ber3 a ode kasa. Awurade se ono na oboo nnipa ne suban so, s3 ne ns3so sii n’ananmu, nanso tete mmer3 no, osoma n’asem ba won mu a 3ky3 ansa na nnipa ate ase3; na y3n nn33mma yi de3, Odomankoma se 3ns3 s3 3ky3 ansa na y3ate ase3.
                Awurade aka s3, obiara a ne honhom nni ne mu no, ony3 ne ba. Ebieu ose y3nsore no honhom ne nokor3 mu. Honhom na Awurade de kasaae3, na honhom nso na wode hyehy33 Bible no. 3da adi pefee woha s3, obiara a ob3kenkan Twer3 no, gyes3 Awurade honhom wo ne mu, ansa na wakan ate ase3. Y3kyer3 Twer3 no ase kok akwan ahodoo mmi3nsa mu.
                1. Honhom fam asekyer3: Christo se: Mene nkwa paanoo a mefiri soro mesianee3 no, na obiara a ob3di me no anya nkwa. 3ber3 a Christo resianee no, obiara anhu no. 3nne3 na 3kyer3 s3, Christo reka honhom mu asem wo ha.
                2. Honam fam asekyer3: Christo se: S3 moayo ama nketewa yi mu baako yi, moayo ama me. 3ha no, Christo reka nnipa a y3hu won ho asem.
                3. Asekyer3 a 3ko Israelman no ara mu: S3 moy3 Abraham mma a, anka mob3yo Abraham nnwuma, na ad3n na mor3p3 me aku me yi? Yei de3 Abraham anyo. Christo de asem yi bisaa Israelman no ara. Christo ne n’adwumayofo b3guu aba no honhom mu; na afei de3, honam mu na woman reb3twa aba no.

 

 

 

                     OKODE3 A OKASA MA WIASE AMANAMMAN


Noker3 Abrabo: Odomanko se: S3 osono keka n’afono ma na odane ma adowa a,3renko adowa no afonom.Saa ara nso na s3 okode3 soso n’afono ma na odane ma asere wa,3renko aserewa no afono mu:Ose : Onipa biara nni asaase yi so a ob3tumi asi yade3 nyinaa ano.Afei,ohoho biara nni ho a,ob3ka ne yonko bi pie-asaso,na ob3tumi abobo nnoma a 3wo ho no nyinaa bo mmaako mmaako frenkyemm akyer3 no da.Asafo Awurae toa so s3:Osono kasa ma ne kwae3 a ote mu.Na ono Odomankoma na onim ber3 a oboo wiase,ne s3de3 ewiase si som bo fa ma no.Na Os3: Obiara mmi asaase yi so a ob3tumi asi bone ano.Na gyes3 ono ara nhyehy3e na 3tumi si bone ano.Odomankoma se ono ne Okode3,na owo soro kasa ma wiase amanaman.Okyer3 s3,ewiase –mma no mu bebr33 nam akwan hodoso na worebo won bra,na seisei de3,ono Asafo Awurade de Okwan baako p3 na ato ho ama adasamma nyinaa,s3 y3mfa so mmo y3n bra na saa kwan yi ne nokor3.Na yei nso ka ho bi,na ono Odomankoma rebo mmoden s3 ob3nya Ghanaman mpanimfo ne won ahyia,na y3afa so a y3mmr3.ONIPA,OD3NKY3M 3NNA DOFOKYE3: Yehowa Nyankopong kyer3 s3 ab3buo y3 nnoma a wahyehy3 no waise yi mu no mu baako na otoa so s3:3b3 tumi tenetene onipa akwan anaase n’asetena.Odomankoma se y3bu b3 bi s3:S3 dufokye3 da nsuom ky3re se de3n ara a,3rentumi nnae od3nky3m: na saa b3 yi na op3 se okyer3kyer3 mu kyer3 Ghanaman.De3 3di kan no.Odomankoma se honam fam de3,dufokye3 no ntumi nnane od3nky3m.3y3 nokor3 na on3 y3n y3 adwene saa,nanso os3 ono nso woe be no ho bi ka.Odomankoma se: 3wom s3 od3nky3m atenae3 ne nsuom de3,nanso 3y3 a otaa firi nsuo no mu,na s3 eda yie ma no a,3nne3 3so na 3ber3 biara,Od3nky3m no b3ba ab3da ato awia.Wi3,onipa a oy3 ahofo anaas3 de3 obr3 ne h ase3 anaas3 nso obi a obo ne nkwa ho ban,S3 ote de3 3reko so nsuom ho a ,ebia ob3tumi ako nsuom ho de3,nanso de3 dufokye3 no da ho de3,omma ne ho da na kamp3s3 wakopue so. S3 3y3 awia oo,s3 3ny3 awia oo,s3 od3nky3m dufokye3 no so da.Yehowa Nyankopon Kyer3 s3: S3 3ba saa de3 a,na 3kyer3 s3 dufokye3 no adane d3nky3m ama saa onipa no.Odomankoma se,saa ara nso na oboo onipa a osi no pi s3,3wom s3 onipa kuta honam de3,nanso s3 otena ono oboade3 no nhyehy3e mu a, otumi dane nyame.Na de3 Awurade rehwehw3 ne s3 onipa biara b3tena ne nhyehy3e mu.Yei nti Odomankoma se,okwan biara a ob3fa so aboa wiase,ama obiara atena ne nhyeye3 mu no ob3fa so,s3de3 3b3y3 a,adasamma ne Awurade astena b3y3 asomdwoe3.ODOMANKO NHYEHY3E PONO: Odomankoma se,ono de3 onni tetes3m s3 y3n adasamma:na ohyehye3 ewiase yi mu nnoma nyinaa nnidiso-nnidiso pr3ko p3 wo ne nyehye3 pono so.Ose nhemfo na odii kan de amammuo ho dwumadie ny33 won nsa. 3no akyi ode ne mmara ho nhyer3kyer3 dwumadie faa n’adiyifo so maa wiase.Ne nhyehy3e a 3to so mmi3nsa ne FA-WO-HO-DIE ABAN hodoo a watintim no wiase mmaa nyinaa,na onam mu asisi amanaman no ti mmaako mmaako no.Odomankoma nhyehy3e a aduru so,ne ne kasa a ode rebema FA-WO-HO-DIE ABAN hodoo no.Yei nti Yehowa Nyankopon si no pi s3,amammuo ny3 adefoforo.Na oman biaraa n’adwuma b3firi mu,mu,3ne 3ho adwumayofo nyinaa no wahyehy3 dada.Odomankoma se nhyehy3e a aduru so yi on3 Ghanaman adwuma.|Odomankoma aka s3 ono de3 onii tetes3m,na mfatoho a ode rekyer3kyer3 mu nie:Ose , 3ber3 a nnipa a ode won duaa asaase yi so kane no hw33 won astena no,woanante atwa borofokwansini oha dakoro.Nanso ono de3 na onim.Na wahyehy3 dada wo ne nhyehy3e pono so.3no nti,nnoma hodoo a,saa ber3 no duru a,wode bedi won akwantuo no ho dwuma no,na ode emu bi asie efam fee ama won,na emu baako ne ole.